«Koventri» bosh murabbiyi Frenk Lempard Angliya Premyer-ligasining oltinchi turida «Nyukasl» ustidan qozonilgan g‘alabaga munosabat bildirdi. Uchrashuv 4:1 hisobida yakunlandi.
«Bugun biz katta g‘ayrat ko‘rsatdik va nimalarga qodirligimizni namoyish etdik. Endi salohiyatimizni maksimal darajada ishga solishimiz kerak. Omaddan foydalanishni ham bilish lozim. Biz buning uddasidan chiqdik va chiroyli gollar urdik. Ba’zan g‘alabaga munosib bo‘lish kerak», — dedi Lempard BBC Sport nashriga bergan intervyusida.
«Asosiy omil — kurashishda davom etganimiz bo‘ldi. Hayajon kuchaydi, chunki ikki gollik ustunlik hech qachon g‘alabani kafolatlamaydi. Raqib bizga muammolar tug‘dirdi. Shunday vaziyatlarda o‘yindan uzilib qolmaslik muhim. Uchinchi golimiz ruhiy jihatdan katta ahamiyatga ega bo‘ldi.
Vaziyatga xolis baho berishimiz kerak, chunki bu ligada raqobat juda kuchli. Agar hamma narsani tushunib bo‘ldim, deb o‘ylasangiz, adashasiz. Taassurotlar yaxshi, ammo haddan tashqari berilib ketmaslik lozim. Ayni damdan zavq olish kerak».
Uzoq tanaffusdan so‘ng yana Angliya futbolining eng yuqori divizionida ishtirok etayotgan «Koventri» 6 ochko jamg‘argan holda turnir jadvalida 14-o‘rinni egallab turibdi.
