«Manchester Siti» bosh murabbiyi Enso Mareska jamoaning sobiq ustozi Xosep Gvardiolaning klubga kutilayotgan tashrifi haqida o‘z fikrlarini bildirdi.

Italiyalik mutaxassis ispaniyalik murabbiy bilan yaqinda muloqot qilganini ma’lum qildi. Biroq Gvardiolaning tashrifi qanday tartibda o‘tishi borasida aniq ma’lumotga ega emasligini ta’kidladi.

«Men u bilan «Manchester Yunayted»ga qarshi o‘yindan keyin suhbatlashgandim. Shu sababli hozir uning qanday rejalari borligini bilmayman.

U to‘g‘ridan-to‘g‘ri stadionga keladimi yoki avval klubning mashg‘ulotlar bazasiga tashrif buyuradimi, bundan xabarim yo‘q. Bu borada hech qanday ma’lumotga ega emasman.

Albatta, uning tashrifi barcha uchun, ayniqsa, muxlislar uchun hayajonli voqea bo‘ladi. Ammo hozircha Pep nimani rejalashtirayotganini bilmayman», — dedi Mareska matbuot anjumanida.

Avvalroq Xosep Gvardiola «Manchester Siti»ning UEFA Chempionlar ligasi doirasida «PSJ»ga qarshi o‘tkazadigan uchrashuviga tashrif buyurishni rejalashtirayotgani haqida xabar berilgan edi.

Mazkur bahs 14 oktyabr kuni bo‘lib o‘tadi. Uchrashuv Toshkent vaqti bilan 15 oktyabrga o‘tar kechasi soat 00:00 da boshlanadi.