Rossiyalik mutaxassis Dmitriy Cherishev jurnalistlar bilan suhbatda «Galatasaray» yarim himoyachisi Aleksey Batrakovning Chempionlar ligasi doirasida Kataloniyaning «Barselona» klubiga qarshi o‘yinda urgan goli haqida fikr bildirdi.
«Birinchi gol muhim ahamiyatga ega. Bu uning o‘ziga bo‘lgan ishonchi va jamoaga moslashishi uchun katta plyus. Garchi “Barselona”ga mag‘lub bo‘lgan bo‘lsalar-da, bu gol muhim. Uning kelajagi uchun ham bu golning ahamiyati katta», — deya mutaxassisning so‘zlarini keltiradi «RB Sport».
Eslatib o‘tamiz, «Galatasaray» «ko‘k-anorranglilar»ga 1:4 hisobida yirik mag‘lubiyatga uchradi.
Batrakov o‘tgan yozda Moskva jamoasi «Lokomotiv»dan Istanbulning «Galatasaray» klubiga o‘tgan edi. Uning transferi turkiyaliklarga 25 million yevroga tushgan.
