Niderlandiyalik afsonaviy sobiq futbolchi Uesli Sneyder Aleksey Batrakovga maslahat berdi. Rossiyalik futbolchi o‘tgan yozda «Lokomotiv»dan «Galatasaray»ga o‘tgan edi. Yaqinda u Turkiya klubi safidagi ilk golini Chempionlar ligasida «Barselona» darvozasiga kiritdi.
Sneyder Batrakovga sabrli bo‘lishni tavsiya qildi. Mutaxassisning ta’kidlashicha, rossiyalik futbolchiga yangi jamoaga moslashish uchun vaqt kerak.
«Batrakovga qanday maslahat bera olaman? Sabrli bo‘lishni. Hozir Alekseyga butunlay boshqacha mentalitet, til va begona madaniyatga moslashish uchun vaqt kerak. Moslashishning eng yaxshi davosi esa gollardir. Masalan, “Fenerbaxche”ga qarshi Istanbuldagi qizg‘in derbida gol urishi unga katta yordam bergan bo‘lardi. Bunday holatdan keyin muxlislar seni qo‘llarida ko‘tarib yurishga tayyor bo‘lishadi», — dedi Sneyder.
