«Rubin» klubi bosh murabbiyi Frank Artiga yaqinda Argentina terma jamoasi safida xayrlashuv uchrashuvini o‘tkazgan «Inter Mayami» hujumchisi Lionel Messi sharafiga maxsus sovrin ta’sis etish taklifini ilgari surdi.

«Menimcha, bunday fenomen yaqin orada yana paydo bo‘lmaydi. Aytgancha, Krishtianu Ronaldu ham shunday futbolchilar sirasiga kiradi. Bu o‘yinchilarning qadri nimada? Ular uzoq vaqt davomida eng yuqori darajada o‘ynab kelishdi. Bunday saviyani saqlab qolish esa juda qiyin. Ular ham terma jamoa, ham klublar safida o‘zlarining yuksak mahoratlarini namoyon etishdi.

Biz yaqinda Messi bilan xayrlashuv marosimini ko‘rdik. Ammo u «Barselona»dan ketganida bunday kuzatuv marosimi o‘tkazilmagandi. Menimcha, «Barselona» muxlislari ham u bilan xayrlashish imkoniyatiga ega bo‘lishlari kerak.

Umuman olganda, Messi sharafiga maxsus sovrin ta’sis etilishi lozim, deb hisoblayman. Bu shunday mukofot bo‘lishi kerakki, u jahon futboli tarixida qolsin», — dedi avvalroq «Barselona» tizimida faoliyat yuritgan Artiga.