Maykl Olise Nike brendining asosiy yulduzlaridan biriga aylanishga tayyorlanmoqda.
Kilian Mbappe yaqinda kompaniyani tark etib, Shveysariyaning On brendi bilan hamkorlik qilishga o‘tganidan so‘ng, Amerikaning yirik sport kompaniyasi yangi yulduzlarni izlashga kirishdi.
Derbyderbyderby.it nashri xabar berishicha, keng ko‘lamli izlanishlar natijasida Nike «Bavariya» yulduzi bilan shartnoma tuzishga muvaffaq bo‘ldi. Olise brendning eng ko‘zga ko‘ringan vakillaridan biriga aylanishi mumkin.
Maykl Olise bilan shartnoma imzolanishi 2020 yil boshidan buyon bir qator mashhur futbolchilarning kompaniyani tark etganiga javob bo‘ldi. Nike avval Xarri Keyn, Lamin Yamal va Usman Dembele bilan hamkorlikni to‘xtatgan, yaqinda esa Kilian Mbappedan ham ayrilgan edi.
