Майкл Олисе Nike брендининг асосий юлдузларидан бирига айланишга тайёрланмоқда.
Килиан Мбаппе яқинда компанияни тарк этиб, Швейцариянинг On бренди билан ҳамкорлик қилишга ўтганидан сўнг, Американинг йирик спорт компанияси янги юлдузларни излашга киришди.
Derbyderbyderby.it нашри хабар беришича, кенг кўламли изланишлар натижасида Nike «Бавария» юлдузи билан шартнома тузишга муваффақ бўлди. Олисе бренднинг энг кўзга кўринган вакилларидан бирига айланиши мумкин.
Майкл Олисе билан шартнома имзоланиши 2020 йил бошидан буён бир қатор машҳур футболчиларнинг компанияни тарк этганига жавоб бўлди. Nike аввал Харри Кейн, Ламин Ямал ва Усман Дембеле билан ҳамкорликни тўхтатган, яқинда эса Килиан Мбаппедан ҳам айрилган эди.
