Madridning «Real» klubi markaziy himoyachisi Eder Militao jiddiy jarohatdan keyin tiklanish jarayonini yakunladi.
28 yoshli futbolchi mushaklaridagi muammolar tufayli yarim yildan beri maydonga tushmayotgan edi. Jurnalist Rodra xabar berishicha, braziliyalik himoyachi jarohatidan to‘liq tiklanib, safga qaytdi. U yakshanba kuni Ispaniya chempionati doirasida «Sevilya»ga qarshi bo‘lib o‘tadigan uchrashuvda jamoa bilan birga bo‘ladi. Bahs Toshkent vaqti bilan soat 00:00 da boshlanadi.
O‘tgan mavsumda Militao «qaymoqranglilar» safida 21 ta uchrashuvda ishtirok etib, ikkita gol va bitta golli uzatma muallifi bo‘lgan. U 2019 yildan buyon Madrid klubi sharafini himoya qilib kelmoqda.
