Мадриднинг «Реал» клуби марказий ҳимоячиси Эдер Милитао жиддий жароҳатдан кейин тикланиш жараёнини якунлади.
28 ёшли футболчи мушакларидаги муаммолар туфайли ярим йилдан бери майдонга тушмаётган эди. Журналист Rodra хабар беришича, бразилиялик ҳимоячи жароҳатидан тўлиқ тикланиб, сафга қайтди. У якшанба куни Испания чемпионати доирасида «Севилья»га қарши бўлиб ўтадиган учрашувда жамоа билан бирга бўлади. Баҳс Тошкент вақти билан соат 00:00 да бошланади.
Ўтган мавсумда Милитао «қаймоқранглилар» сафида 21 та учрашувда иштирок этиб, иккита гол ва битта голли узатма муаллифи бўлган. У 2019 йилдан буён Мадрид клуби шарафини ҳимоя қилиб келмоқда.
