«Everton» bosh murabbiyi Devid Moyes klub egalari nazorat paketini sotish imkoniyatini ko‘rib chiqayotganini e’lon qilganidan so‘ng, uning shartnomasini uzaytirish bo‘yicha muzokaralar sekinlashganini ma’lum qildi.
«Yozda muzokaralar ko‘p bo‘ldi, ammo so‘nggi paytlarda biroz sukunat yuzaga keldi. Biroq, ko‘p marta aytganimdek, bu men uchun eng muhim masala emas. Men «Everton»ni oldinga boshlashda, klubni rivojlantirishda va yanada kattaroq taraqqiyotga erisha olish-olmasligimizni ko‘rishda davom etmoqchiman», — deya murabbiyning so‘zlarini The Independent nashri keltirmoqda.
Moyes 2025 yil yanvar oyida «Everton»ga qaytgan va jamoaga Premyer-ligadan tushib ketishdan qutulishga yordam bergan. O‘tgan mavsumda Angliya chempionatini klub 13-o‘rinda yakunladi.
Joriy mavsumda «Everton» Premyer-liganing oltita uchrashuvidan birortasida ham mag‘lub bo‘lmadi va turnir jadvalida beshinchi o‘rinni egallab turibdi. Shanba kuni Moyes jamoasi «Chelsi»ga qarshi maydonga tushadi.
