«Barselona» 2026/2027 yilgi mavsumda Ispaniya chempionatining dastlabki to‘qqizta turida ham g‘alaba qozonib, Madridning «Real» klubi rekordini takrorladi. Bu haqda Marca nashri xabar bermoqda.

17 oktyabr kuni kataloniyaliklar La Liga 9-turida safarda «Betis»ni 5:2 hisobida mag‘lub etdi. Shu tariqa, «Barselona» dastlabki to‘qqizta uchrashuvning barchasida g‘alaba qozonib, mumkin bo‘lgan 27 ochkodan 27 tasini jamg‘ardi. Jamoa bu o‘yinlarda raqiblar darvozasiga jami 39 ta gol urdi.

Madridning «Real» klubi ham 1968/1969 yilgi mavsumda Ispaniya chempionatini ketma-ket to‘qqizta g‘alaba bilan boshlagan. O‘shanda jamoa mazkur uchrashuvlarda 21 ta gol urgan edi.

To‘qqizta turdan keyin 27 ochko to‘plagan «Barselona» turnir jadvalida peshqadamlik qilmoqda.

Keyingi turda, 25 oktyabr kuni kataloniyaliklar o‘z maydonida «Real»ni qabul qiladi. Madridliklar zaxirada bir o‘yini bo‘lgan holda 18 ochko bilan to‘rtinchi o‘rinda bormoqda.