«Барселона» 2026/2027 йилги мавсумда Испания чемпионатининг дастлабки тўққизта турида ҳам ғалаба қозониб, Мадриднинг «Реал» клуби рекордини такрорлади. Бу ҳақда Marca нашри хабар бермоқда.
17 октябрь куни каталонияликлар Ла Лига 9-турида сафарда «Бетис»ни 5:2 ҳисобида мағлуб этди. Шу тариқа, «Барселона» дастлабки тўққизта учрашувнинг барчасида ғалаба қозониб, мумкин бўлган 27 очкодан 27 тасини жамғарди. Жамоа бу ўйинларда рақиблар дарвозасига жами 39 та гол урди.
Мадриднинг «Реал» клуби ҳам 1968/1969 йилги мавсумда Испания чемпионатини кетма-кет тўққизта ғалаба билан бошлаган. Ўшанда жамоа мазкур учрашувларда 21 та гол урган эди.
Тўққизта турдан кейин 27 очко тўплаган «Барселона» турнир жадвалида пешқадамлик қилмоқда.
Кейинги турда, 25 октябрь куни каталонияликлар ўз майдонида «Реал»ни қабул қилади. Мадридликлар захирада бир ўйини бўлган ҳолда 18 очко билан тўртинчи ўринда бормоқда.
