«Betis» bosh murabbiyi Manuel Pellegrini «Barselona»ga qarshi uchrashuvdagi 2:5 hisobidagi mag‘lubiyatdan so‘ng hakamlikdan noroziligini bildirdi.

Chililik mutaxassis o‘yin davomida qabul qilingan ayrim qarorlarni keskin tanqid qildi.

«Bizning golimiz bekor qilingani haqida nima deyman? Ha, to‘p qo‘lga tekkan. Ammo bu holat gol urilishidan 30 soniya oldin sodir bo‘lgan. Agar Jerar Martin futbolchimizning orqasidan turtmaganida, to‘p qo‘lga tegmagan bo‘lardi.

Hakamning ishi — shunchaki sharmandalik. U futbolni umuman tushunmaydi.

Qizil kartochka esa bizni butunlay sindirdi. Ha, ehtimol, futbolchimizning harakatlari tajovuzkor bo‘lgandir, ammo Yamal provokasiya qildi. Futbolchimiz shunchaki o‘sha harakatga javob qaytardi.

Hakam har ikki futbolchiga sariq kartochka ko‘rsatib, o‘yinni davom ettirishi kerak edi.

Bundan tashqari, «Barselona»ning gollaridan biri oldidan qoidabuzarlik qayd etilmadi. Keyin o‘sha vaziyatni qayta ko‘rib chiqinglar», — dedi Pellegrini matbuot anjumanida. Uning so‘zlarini The Touchline nashri keltirmoqda.

Ayni paytda «Betis» Ispaniya La Ligasi musobaqa jadvalida uchinchi o‘rinni egallab turibdi.