Taniqli murabbiy Yuriy Syomin Chempionlar ligasi doirasida «PSJ» va «Barselona» jamoalari o‘rtasida kechgan uchrashuv haqida fikr bildirdi.
Seshanba kuni «Park de Prens» stadionida bo‘lib o‘tgan bahsda parijliklar 4:2 hisobida g‘alaba qozondi.
Stadiondan turib o‘yinni kuzatgan Syomin har ikki jamoa ham eng yuqori saviyadagi futbol namoyish etganini ta’kidladi. Shuningdek, mutaxassis «PSJ»ning pressingdagi harakatlariga alohida to‘xtaldi.
«Uchrashuv g‘olibi pressingda juda kuchli o‘ynadi, diqqatini jamladi va hujumni rivojlantirish bo‘yicha oldindan rejalashtirilgan vazifalarni aniq bajardi. «PSJ» «Barselona»ga o‘z darvozasi yaqinidanoq pressing uyushtirdi», — deya Syominning so‘zlarini keltiradi «Chempionat» nashri.
