«Liverpul»ning sobiq himoyachisi Jeymi Karrager «Manchester Yunayted» yarim himoyachisi Brunu Fernandeshning bosh murabbiy Maykl Kerrik taktikasi haqidagi tanqidiy fikrlariga munosabat bildirdi.
Manchesterliklar Chempionlar ligasida «Komo»ga safarda 1:4 hisobida mag‘lub bo‘lishdi. Uchrashuvdan keyin Fernandesh Karrik futbolchilardan pressingni kamaytirishni so‘raganini va aynan shu qaror mag‘lubiyatga sabab bo‘lganini aytdi.
«Brunu Fernandeshning qilgan ishi — sharmandalik. O‘tgan mavsumda u eng yaxshi futbolchi sovrinini qo‘lga kiritdi. Bunga esa Maykl Kerrikning murabbiy etib tayinlangani sabab bo‘lgan. Fernandesh maydondan almashtirilgani uchun shunday munosabat bildirdi», — dedi Karrager CBS Sports efirida.
Portugaliyalik futbolchi «Komo»ga qarshi uchrashuvni asosiy tarkibda boshladi va 67-daqiqada Joshua Zirkzeega o‘rnini bo‘shatib berdi. Aynan niderlandiyalik hujumchi qo‘shib berilgan daqiqalarda «Manchester Yunayted»ning yagona golini urdi.
