Madridning «Real» klubi darvozaboni Tibo Kurtua yaqin vaqt ichida safga qaytishga umid qilmoqda.

Belgiyalik darvozabon gripp sababli Ispaniya chempionati doirasida «Barselona»ga qarshi kechgan so‘nggi uchrashuvni o‘tkazib yubordi. Hozircha «qaymoqranglilar»ning asosiy darvozaboni yakshanba kuni «Rasing»ga qarshi bo‘lib o‘tadigan o‘yinda ishtirok eta olishi aniq emas.

«Hozir o‘zimni ancha yaxshi his qilyapman. Jismoniy holatimni tiklash uchun asta-sekin mashg‘ulotlarga kirishyapman. Yakshanbagacha hali vaqt bor», — deya Kurtuaning so‘zlarini keltiradi Madrid Xtra.

«Real»ning safarda «Rasing»ga qarshi uchrashuvi 1 noyabr kuni Toshkent vaqti bilan 20:15 da boshlanadi.

Kurtua joriy mavsumda Joze Mourinyo boshqaruvidagi jamoa safida 12 ta o‘yinda qatnashib, o‘z darvozasidan 14 ta gol o‘tkazib yuborgan.