Кеча UZREPORT TV телеканали томонидан ташкил этилган, футболга ихтисослашган янги FUTBOL TV телеканали тест режимида ишга туширилди.
FUTBOL TV телеканали бепул рақамли телеканаллар пакетида бутун республика бўйлаб эфирга узатилади. Телеканал сигнал қамровини кенгайтириш ишлари босқичма-босқич амалга ошириб борилади. Бу борада батафсил маълумот олиш учун маҳаллий операторларга мурожаат қилишингиз мумкин.
Кўп сонли футбол мухлисларининг талаб ва истакларидан келиб чиққан ҳолда, кеча бўлиб ўтган “Реал Мадрид” – “Барселона” жамоалари ўртасидаги ўйин бугун соат 16:00 ва 21:00да икки марта FUTBOL TV телеканали орқали такроран намойиш қилинади.