Хави, Жоан Лапорта ва Деку ўртасидаги учрашув қандай ўтгани маълум бўлди.

Кечаги йиғилишда "Барселона" президенти бош мураббийни клубда қолишга кўндирган. Бугун томонлар Хави яна бир йилни "кўк-анорранглилар"да ўтказишини расман эълон қилишди.

Mundo Deportivo нашри хабарига кўра, музокаралар ташаббускори "Барселона" спорт директори Деку бўлган, Хави аввалроқ унга қолиш истагини билдирган эди. Учрашув Лапортанинг уйида бўлиб ўтди.

"Барселона" раҳбарларининг бу борадаги фикрлари турлича бўлишига қарамай, президентга Хавини сақлаб қолиш клуб учун энг тўғри қарор эканлигига ниҳоят ишонч ҳосил қилиш учун атиги икки дақиқа вақт керак бўлди. Муқобил вариант Ханс-Дитер Фликни таклиф қилиш эди.