Kecha UZREPORT TV telekanali tomonidan tashkil etilgan, futbolga ixtisoslashgan yangi FUTBOL TV telekanali test rejimida ishga tushirildi.
FUTBOL TV telekanali bepul raqamli telekanallar paketida butun respublika bo‘ylab efirga uzatiladi. Telekanal signal qamrovini kengaytirish ishlari bosqichma-bosqich amalga oshirib boriladi. Bu borada batafsil ma’lumot olish uchun mahalliy operatorlarga murojaat qilishingiz mumkin.
Ko‘p sonli futbol muxlislarining talab va istaklaridan kelib chiqqan holda, kecha bo‘lib o‘tgan “Real Madrid” – “Barselona” jamoalari o‘rtasidagi o‘yin bugun soat 16:00 va 21:00da ikki marta FUTBOL TV telekanali orqali takroran namoyish qilinadi.