Аргентина Примерасидан ўрин олган «Уракан» - «Ньюэллс Олд Бойз» ўйинида мухлислар ҳакамга таҳдид қилишган.
Globoesporte хабарига кўра, фанатлар мезбонлар фойдасига пенальти белгиланмаганидан норози бўлиб, тартибсизликларни бошлаб юборишган. Улар тўсиқлардан ошиб ўтиб, ҳакамни жазолашга уринишган. «Бизга ҳакамни беринг, уни ўлдирамиз!» - деб бақиришган. Натижада бош ҳакам ўйинни тўхтатиб туришга мажбур бўлган. Полициянинг аралашувидан сўнг, мухлислар тинчлантирилган ва 40 дақиқадан сўнг ўйин давом эттирилган.
Учрашувда «Ньюэллс Олд Бойз» 1:0 ҳисобида ғалаба қозонган.
