Хави январь ойидан буён фикрини ўзгартиришини қатъиян рад этган бўлса-да, "Барселона"да қолмоқда. У "Виляьрреал"дан учралган мағлубиятдан сўнг клубдан кетишини эълон қилди ва шундан кейин жамоа натижаларда кескин яхшиланди.
Хави нега қолди?
● Лапорта ва унга яқин раҳбарларни қўллаб-қувватлаш. Спорт бўлимида келишмовчиликлар бўлган, аммо асосий сўз Лапортада эди. Вице-президент Рафа Юсте Хави билан бу ғояни қўллаб-қувватлади.
● Жамоа ривожланмоқда. Мавсум яхши бошланмади, бироқ Хавининг баёнотидан сўнг у вазиятни ўзгартириб юборди ва энди жамоа кўпроқ ютуқларга эришишга қодирлигини кўрмоқда.
● Хави бу мавсумда ҳеч нарса ютмади. Кейингисида у вазиятни тўғирлашни хоҳлайди.
● Академиядан келган ёш иқтидорларга ишонч. Четдан мураббий келиши “Ла Масиа” юлдузларининг ривожланишига хавф солиши мумкин. Хави Ямал ва Кубарсининг ривожланиши у билан боғланишини хоҳлайди.
● Узоқ муддатли лойиҳа. "Барселона" ҳали ҳам молиявий инқирозда: Хавининг тайинланиши билан клуб уни кўп йиллар давомида мураббий бўлишини режалаштирган.
● "Барселона" Nike билан янги шартнома имзолашга яқин турибди, бу эса клубга Ла Лигадаги молиявий чекловлардан халос бўлишга имкон беради. Хави ёзда кучайишини кутмоқда.
● Балки, Хави ҳақиқатдан ҳам клубни тарк этиш ниятида эмас ва ўз баёноти билан футболчилардаги босимни олиб ташлашни режалаштиргандир. Эҳтимол, унинг ғояси ишлаётганда, у иллюзияни сақлаб қолишда давом этди. Натижалар ўзгариши билан у карталарниочси ва қолишга қарор қилди.
Хави қандай фикрда?
Мана, унинг кетмаслиги ҳақидаги хабардан кейинги сўнгги сўзлари:
“Мен клуб одамиман, сиз мени биласиз, энг муҳими клуб ҳақида ўйлаш. Ўзимни янада ишончли ҳис қиляпман. "Барселона"ни жуда яхши кўраман.
Бу лойиҳа тугалланмаганини кўраман. Бу йил ҳеч қандай унвон ютмаслигимиз мумкин, лекин биз ишлашни давом эттиришимиз керак, чунки бу ғолиб лойиҳа. Январь ойида мен кетишни яхшироқ деб ўйладим, лекин вазият ўзгарди.
Президент билан гаплашдим ва уч дақиқа ичида биз бир-биримизни тушуниб олдик. Жуда хурсандман ва миннатдорман. Мен президент, директорлар кенгаши ва Деку ва Боян бошчилигидаги спорт бўлимининг қўллаб-қувватлашини ҳис қилдим”, деди Хави.
