Xavi yanvar oyidan buyon fikrini o‘zgartirishini qat’iyan rad etgan bo‘lsa-da, "Barselona"da qolmoqda. U "Vilyarreal"dan uchralgan mag‘lubiyatdan so‘ng klubdan ketishini e’lon qildi va shundan keyin jamoa natijalarda keskin yaxshilandi.
Xavi nega qoldi?
● Laporta va unga yaqin rahbarlarni qo‘llab-quvvatlash. Sport bo‘limida kelishmovchiliklar bo‘lgan, ammo asosiy so‘z Laportada edi. Vise-prezident Rafa Yuste Xavi bilan bu g‘oyani qo‘llab-quvvatladi.
● Jamoa rivojlanmoqda. Mavsum yaxshi boshlanmadi, biroq Xavining bayonotidan so‘ng u vaziyatni o‘zgartirib yubordi va endi jamoa ko‘proq yutuqlarga erishishga qodirligini ko‘rmoqda.
● Xavi bu mavsumda hech narsa yutmadi. Keyingisida u vaziyatni to‘g‘irlashni xohlaydi.
● Akademiyadan kelgan yosh iqtidorlarga ishonch. Chetdan murabbiy kelishi “La Masia” yulduzlarining rivojlanishiga xavf solishi mumkin. Xavi Yamal va Kubarsining rivojlanishi u bilan bog‘lanishini xohlaydi.
● Uzoq muddatli loyiha. "Barselona" hali ham moliyaviy inqirozda: Xavining tayinlanishi bilan klub uni ko‘p yillar davomida murabbiy bo‘lishini rejalashtirgan.
● "Barselona" Nike bilan yangi shartnoma imzolashga yaqin turibdi, bu esa klubga La Ligadagi moliyaviy cheklovlardan xalos bo‘lishga imkon beradi. Xavi yozda kuchayishini kutmoqda.
● Balki, Xavi haqiqatdan ham klubni tark etish niyatida emas va o‘z bayonoti bilan futbolchilardagi bosimni olib tashlashni rejalashtirgandir. Ehtimol, uning g‘oyasi ishlayotganda, u illyuziyani saqlab qolishda davom etdi. Natijalar o‘zgarishi bilan u kartalarniochsi va qolishga qaror qildi.
Xavi qanday fikrda?
Mana, uning ketmasligi haqidagi xabardan keyingi so‘nggi so‘zlari:
“Men klub odamiman, siz meni bilasiz, eng muhimi klub haqida o‘ylash. O‘zimni yanada ishonchli his qilyapman. "Barselona"ni juda yaxshi ko‘raman.
Bu loyiha tugallanmaganini ko‘raman. Bu yil hech qanday unvon yutmasligimiz mumkin, lekin biz ishlashni davom ettirishimiz kerak, chunki bu g‘olib loyiha. Yanvar oyida men ketishni yaxshiroq deb o‘yladim, lekin vaziyat o‘zgardi.
Prezident bilan gaplashdim va uch daqiqa ichida biz bir-birimizni tushunib oldik. Juda xursandman va minnatdorman. Men prezident, direktorlar kengashi va Deku va Boyan boshchiligidagi sport bo‘limining qo‘llab-quvvatlashini his qildim”, dedi Xavi.
