"Реал Мадрид" ёзги трансфер ойнасида зудлик билан кучайтирилиши керак бўлган позицияни аниқлади. Начо Фернандес ёзда жамоани тарк этиши, Давид Алаба эса жиддий жароҳатдан сўнг қайтишини инобатга олиб, "қироллик клуби" янги марказий ҳимоячи таклиф қилмоқчи.

Relevo маълумотларига кўра, Мадрид жамоаси учун асосий номзод "Лилл"дан Лени Йоро ҳисобланади. 18 ёшли франциялик футболчи "Сантьяго Бернабеу"га ўтишга тайёр.

Йоронинг "Лилль" билан шартномаси 2025 йилнинг ёзида тугайди, шунинг учун футболчи чегирма билан қўйиб юборилиши мумкин. Лени жорий Франция чемпионатида иккита гол урди.