Argentina Primerasidan o‘rin olgan «Urakan» - «Nyuells Old Boyz» o‘yinida muxlislar hakamga tahdid qilishgan.
Globoesporte xabariga ko‘ra, fanatlar mezbonlar foydasiga penalti belgilanmaganidan norozi bo‘lib, tartibsizliklarni boshlab yuborishgan. Ular to‘siqlardan oshib o‘tib, hakamni jazolashga urinishgan. «Bizga hakamni bering, uni o‘ldiramiz!» - deb baqirishgan. Natijada bosh hakam o‘yinni to‘xtatib turishga majbur bo‘lgan. Polisiyaning aralashuvidan so‘ng, muxlislar tinchlantirilgan va 40 daqiqadan so‘ng o‘yin davom ettirilgan.
Uchrashuvda «Nyuells Old Boyz» 1:0 hisobida g‘alaba qozongan.
