Испания спорти Олий кенгаши мамлакат футбол федерацияси раҳбари Анхел Мария Вильярни лавозимидан бир йил муддатга четлатди.
18 июль куни Вильяр ва унинг ўғли Горка коррупцияга қарши рейд юзасидан полиция томонидан ҳибсга олинган эди. Мадрид прокуратураси мулозимни талон-тарожлик, ҳужжатларни қалбакилаштириш ва 45 млн евро маблағни ноқонуний ўзлаштирганликда гумонламоқда.
Энди Вильяр тергов муддати тугагунча ўз мажбуриятини бажаролмайди. Бундан ташқари, вазиятдан келиб чиқиб, унинг дисквалификацияси узайтирилиши ҳам мумкин.
Эслатиб ўтамиз, Анхел Мария Вильяр 29 йилдан буён Испания футбол федерацияси раҳбари бўлиб ишлаб келаётганди.