«Барселона» ҳужумчиси Лионель Месси «Реал»га қарши бўладиган ўйин борасида ўз фикрларини билдириб ўтди.
«Биз ушбу йилни бошқача бошладик. Янги умидлар ва орзулар билан. Яхши бошлашга муваффақ бўлдик. Парвоз ва қулаш пайтларимиз бўлди, лекин ҳали олдинда ўйинлар кўп. Энг муҳими, биз ажойиб ўйин кўрсатяпмиз. Шундай иштирокни иложи борича узоқроқ давом эттиришимиз керак.
Биз «Реал» ва Криштиану Роналдуни ҳурмат қиламиз. Мадридликлар ҳозир ҳар доимгидан ҳам хавфлироқ. Улар ҳозир яхши ёки ёмон формада эканлигини айта олмайман. Уларнинг сафида индивидуал жиҳатдан кучли футболчилар кўп. Улар янада кучлироқ ўйнаши мумкин. Биз эса ўзимизга хос бўлган ўйинни кўрсатишга ҳаракат қиламиз», – дейди Месси.
