Kun.uz: Италия суди А сериянинг “Парма” жамоасини банкрот деб эълон қилди. Бу ҳақда Associated Press хабар тарқатган.

“Парма” жамоаси молиявий қийинчиликлар туфайли чемпионатнинг 2та ўйинида иштирок эта олмади. Бироз олдинроқ, А серия жамоалари “Парма”нинг мавсумни тугатиб олиши учун 5 млн евро йиғиб бериш ташаббуси билан чиқишган эди.

18 март куни жамоа президенти Жампьетро Маненти молиявий фирибгарликда айбланиб, ҳибсга олинган эди.

Associated Press нашрида маълум қилинишича, суд ҳукми 10 минут давомида ўқиб эшиттирилган ва ҳукм жамоанинг вақтинчалик раҳбарлари ҳисобланган Анжелло Анедда ва Альберто Гийотто томонидан тингланган.

Қайд этилишича, “Парма”нинг қарзлари деярли 100 млн еврога етган.

Маълумот учун, ўтган мавсумда чемпионатда олтинчи ўринни қўлга киритган жамоа, жорий мавсумда 25 ўйинда 9 очко тўплаб, турнир жадвалининг энг сўнгги поғонасида турибди. Бу жамоа халқаро майдонларда 3та кубокни қўлга киритган ва Италиянинг соврини энг кўп жамоаларидан бири саналади.