Бугун тонгда "Локомотив” бош мураббийи Вадим Абрамов юракдаги оғриқдан шикоят қилиб, “Темирйўлчилар Марказий Шифохонасига” олиб келинди. Бирламчи тахминий ташхис микроинфаркт деб айтилган эди.
Айни дамда барча диагностик амаллар ўтказилгач, Абрамовда аритмия, яъни юрак урушининг тезлашиши, стресс ҳолати ва қаттиқ толиқиш дея ташхис қўйилмоқда.
Шифокорлар бош мураббийнинг 10 кун давомида муолажа олиши зарурлигини таъкидлашган. Шу сабабли Вадим Карленович 22 март куни Фарғонанинг “Нефтчи” клубига қарши ўйинда жамоасини бошқара олмайди. Унинг ўрнига ёрдамчилари Андрей Микляев ва Марат Мифтахутдиновлар “Локомотив” учун жавобгар ҳисобланиши айтилмоқда.
"Темирйўлчилар" клуби расмий сайтининг хабар беришича, Вадим Абрамов муолажа олиш учун 15-чи шаҳар шифохонаси, “Кардиология ва Неврология Маркази”га кўчирилди.
“Локомотив” клуби маъмурияти ва жамоа футболчилари бош мураббийга тезроқ тузалиб, сафга қайтишини тилаб қолишади.
