«Барселона» ҳимоячиси Жерар Пике Испания чемпионатининг 28-турида «Реал»га қарши бўладиган ўйин борасида ўз фикрларини билдириб ўтди.

«Бу мавсумнинг энг муҳим ўйини бўлади. Боиси, биз "Реал" билан бирга совринлар учун кураш олиб борамиз. «Реал» – ажойиб жамоа, уларнинг сафида яхши ўйинчилар бор. Бу эса бўлажак ўйиннинг аҳамиятини янада оширади. Бу ўйинга тайёргарликни эртароқ бошлаш керак, аммо бундай ўйинларни интизорлик билан кутамиз.

Ҳозир «Реал» мавсумдаги ўзининг энг яхши бўлмаган ҳолатини бошдан кечирмоқда. Лекин "классико"да ҳозирги форма иккинчи планга ўтади. Имкониятлар — 50га 50.

«Реал» сафида Роналду ва Бэйл – жуда кучли, жуда тезкор футболчилар бор. Яккама-якка ҳолатларда улар жуда хавфли ва гол уришни билишади.

"Эл-классико"даги ғалаба олдинга ташланган жиддий қадам бўлади. Олдинда бизни яна 10та ўйин кутиб турибди. Бизни қизғин курашлар кутмоқда», – дейди Пике.