"Андижон" бош мураббийи Эдгар Гесс "Машъал"га қарши ўйиндан сўнг ўз фикрларини билдириб ўтди.

"Ўйин менга жуда ёқди. Иккинчи бўлимдаги ўйинимиз менга ёқди. Иккита гол ўтказганимиз алам қилди. Эътиборсилик туфайли тезкор иккита гол қўйиб юбордик. "Машъал" яхши жамоа. "Андижон"да 3 ойдан буён маош олишмаяпти. Таркибга келаётган футболчилар Гесснинг гапига ишониб келмоқда. Жавлон Гусейнов, Умрилло Рамазонов каби футболчилар сўнгги лаҳзада таркибга қўшиб олинди. Бу ўйинчилар мажбурликдан майдонга туширилди. "Машъал" анчадан буён бир таркиб билан ўйнаб келмоқда, бизда эса ҳар йили янги таркиб бўлади", - дейди Эдгар Гесс.

- Ойлик маошлари 3 ойдан буён олмаяпсиз дедингиз. Раҳбарият қачон бу муаммони ҳал қилади? 

- Билмайман. Раҳбарият биринчи кундан буён менга ваъда беришмоқда. Лекин ҳокимиятга ҳеч қандай эътироз йўқ. 

- Шахсан сиз неччи ой маошсиз ишлай оласиз?

- Мен 10 йил ҳам маошсиз ишлашга тайёрман. 

- Жамоа Қаршида ҳам, Муборакда ҳам иккинчи бўлимда яхши ўйнади. Бунга нима сабаб?

-Бизга ўйинимизни йўлга қўйиб олиш учун озгина вақт керак. Асосий вазифамиз Олий лигада жон сақлаб қолиш. Қандайдир ўринлар ҳақида гапириш ортиқча. Бизга футболчилар харид қилиш учун пул керак. Баъзи футболчилар жамоамизга келиб, эртасигаёқ кетиб қолишган. Журналистлар жамоа ҳақида бўлмағур фикрларни ёзишдан олдин, мана шу нарсаларни ўйлаб кўришса яхши бўларди.