“Металлург”га қарши учрашувда жамоамизнинг иккинчи голига муаллифлик қилган футболчимиз Азим Аҳмедов “Навбаҳор”нинг Ўзбекистон чемпионатларидаги юбилей 1200-голига муаллифлик қилди.

Навбатдаги чемпионатга қадар олий лигада 680 та учрашув ўтказган жамоамиз рақиблар дарвозасига 1199 та гол уришга эришганди. Дастлабки турда “Машъал” дарвозаси нишонга олинмагач, юбилей гол навбатдаги ўйинга қолдирилганди. Бекободликлар билан ўтган баҳсда олис масофадан рақиб дарвозасини нишонга олган Аҳмедов “Навбаҳор” тарихида ўзига хос из қолдиришга эришди десак хато бўлмайди. Ўз навбатида “Металлург” футболчиси Дилмурод Каримов томонидан сўнгги сонияларда пенальтидан урилган гол жамоамизнинг чемпионатлар давомида ўз дарвозасидан ўтказиб юборган голи сифатида тарихда қоладиган бўлди. 

1992 йилдан бери олий лигада иштирок этиб келаётган “Навбаҳор” шу кунга қадар ўтказилган 62 та учрашувда 336 бор ғалабани тантана қилган. 217 ўйинда рақибларга имконият бой берилган бўлса 129 та учрашувда дуранг кузатилган. “Навбаҳор”нинг Ўзбекистон чемпионатларидаги дастлабки голини эса 1992 йилнинг 28 март санасида Термизда “Сурхон” жамоаси дарвозасига ярим ҳимоячи Сергей Арслонов урганди. Термизда ўтган чемпионатнинг илк ўйинида томонлар 1:1 ҳисобидаги дурангни қайд этишганди.