"Рома" устози Руди Гарсия римликларнинг жорий йилдаги муваффақиятсизликларига қарамай истеъфога чиқмаслигини маълум қилди.
"Биз агар якдил ва уюшқоқ бўлолсаккина, қийин вазиятлардан ҳам чиқиб кета оламиз. Мен шартномам сўнггигача клубда қоламан.
Ўзим истеъфо бермоқчи эмасман. Мен ғалаба қозонишни истаганим учун ҳам айнан шу ердаман. Тўғри, бу иш жорий мавсумда амалга ошмайди, аммо жамоанинг келажаги бор" - дея Гарсия фикрларини келтиради sports.ru.
51 ёшли мутахассиснинг жамоаси айни вақтда А Серияда иккинчи ўринни эгаллаб турибди. Аввалроқ римликлар Италия Кубогидан чиқиб кетишди, пайшанба куни эса ЕЛ 1/8 финал жавоб учрашувида "Фиорентина"дан йирик ҳисобда мағлуб бўлишди.
Эслатиб ўтамиз, Руди Гарсия ва "Рома" клуби ўртасида имзоланган келишув 2018 йил ёзигача амал қилади.
