"Реал" бош мураббийи Карло Анчелотти "Барселона"га қарши ўйин олдидан ўз футболчиларининг ҳолатига тўхталиб ўтди. 

"Криштиану Роналду яхши формада. У бутун ҳафта мобайнида ажойиб тарзда машғулот ўтказди ва жамоанинг бошқа аъзоларига каби унинг ҳам бор эътибори фақат ўйин билан боғлиқ. Криштиану Роналду охирги учрашувларда яхши тўп сурди ва "Шальке"га қарши ўйинда бизни айнан у қутқариб қолди.

Роналдудан бошқа ўйинчиларга нисбатан кўпроқ нарса талаб қилмоқчи эмасман. "Класико"да жамоа майдоннинг ҳар бир қарич ерида бир бутун бўлиб тўп суриши керак.

Бэйлнинг позициясини ўзгартирмайман. Биз 11 ўйинчи бўлиб ҳужум қилишимиз ва 11 ўйинчи бўлиб ҳимояланишимиз керак. 

Коэнтрау сўнгги вақтларда у қадар кўп ўйин амалиётига эга бўлмади, аммо унинг жисмоний ҳолати ажойиб кўринишда", - Анчелотти фикрларини келтиради sports.ru.