«Манчестер Юнайтед» бош мураббийи Луи ван Гал «Ливерпуль»га қарши ўйин борасида ўз фикрларини билдириб ўтди (2:1).
«Биринчи бўлимда, худди "Тоттенхэм" билан бўлган ўйин сингари, жуда яхши ўйнадик. Иккинчи бўлимда эса темпни пасайтирдик. Бир киши кам бўлиб ўйнаётган рақибга қарши прессинг қилишни унутиб қўясан. Бизда мажбурий бўлмаган тўп йўқотишлари юзага кела бошлади ва биз «Ливерпуль»ни ўйинга қайтардик.
Биз тўп билан кўп муомалада бўлдик, хавфли вазиятларни яратдик, балки улар юз фоизли вазиятлар эмасдир, аммо гол уриш учун яна имкониятлар бўлди.
Мата ажойиб ўйин ўтказди. У менинг қўлостимда ҳамиша яхши ўйнаган. У «МЮ»нинг энг барқарор ўйинчиларидан бири. Баъзида жамоада балансни ўзгартириш ва бошқа футболчиларни танлаш керак бўлади.
Бу бизнинг мухлислар учун ажойиб натижа бўлди. Мавсум давомида "Ливерпуль"ни 3 марта енгдик.
Беш, олти ва еттинчи ўринда бораётган жамоалардан олдинга ўтиб кетишга муваффақ бўлдик. Бу муҳим ҳолат», – дейди ван Гал.