Олмалиқ шаҳрида бўлиб ўтган "Олмалиқ" ва "Насаф" жамоалари ўртасидаги баҳс билан Олий лиганинг 2-турига якун ясалди. Биринчи турда "Пахтакор" майдонида дуранг билан қайтган Шквирин жамоаси, бу сафар ўз майдонида ўтган мавсумнинг бронза медали соҳибини мағлуб этди.
Ўйин тенгкурашлар остида бошланди. Агар ўйиннинг 19-дақиқасида юзага келган вазиятда қаршиликлар фойдалана олишганида, натижа бошқача бўлиши мумкин эди. Аммо Юнусовнинг узатмасидан кейин даврозабон билан бирга бир вазиятга чиқиб борган Муҳаммадиев дарвозани ишғол қила олмади. Орадан кўп ўтмасдан "Олмалиқ" "стандарт"дан ҳисобни очди. Жаримадан узатилган тўпни Кашкавал дарвозага йўллади - 1:0.
Шундан сўнг ҳам ўйин қарама-қарши ҳужумлар остида давом этди. Ўйин тугашига 8 дақиқа қолганида "Олмалиқ" футболчиси Йовановичнинг бош билан йўллаган зарбаси дарвозаси тўсинига теккан бўлса, ўйиннинг сўнгги дақиқаларида мезбонлар яна битта гол уришга муваффақ бўлишди. Саломов етказган узатмани Арслонмурот Омонов голга айлантирди.
Шу тариқа, "Насаф" илк марта ўзаро ўйинлар тарихида "Олмалиқ"қа имкониятни бой берди. Шквирин жамоаси эса ушбу мавсумда ўз олдига жиддий мақсад қўйилганини яна бир марта исботламоқда.
ЎзПФЛ, 2-тур.
“ОЛМАЛИҚ” – “НАСАФ” - 2:0
Голлар: Адриан Кашкавал (26), Арслонмурот Омонов (90)
Огоҳлантиришлар: Евгений Гоголь (14), Шавкат Саломов (58), Жаҳонгир Абдумўминов (72) — Ботир Қораев (17), Баҳром Абдураҳимов (25), Эркин Бойдуллаев (67)
“Олмалиқ”: 16.Умид Хонимқулов, 5.Евгений Гоголь, 8.Сахоб Жўраев, 10.Шавкат Саломов, 11.Зохир Примов, 17.Камолиддин Мурзоев (Арслонмурот Оманов 66), 19.Ислом Иномов, 21.Саламат Қуттибоев, 55.Адриан Кашкавал, 77.Жаҳонгир Абдумўминов, 84.Неманья Йованович.
“Насаф”: 25.Элдорбек Суюнов, 5.Ботир Қораев, 9.Илҳом Шомуродов, 15.Рой Рок, 18.Баҳром Абдураҳимов, 27.Илҳом Юнусов (Шоҳруҳ Гадоев 62), 28.Шуҳрат Муҳаммадиев (Акрам Баҳриддинов 78), 32.Ҳамза Каримов, 34.Фарруҳ Сайфиев, 99.Олександр Коблаш (Дониёр Нарзуллаев 81).
