ФИФА президенти Йозеф Блаттер Россияда 2018 йилда бўлиб ўтадиган футбол бўйича жаҳон чемпионатининг бойкот қилиниши яхшиликка олиб келмаслигини таъкидлаб ўтган.

“Футбол – бирлик рамзи, ва у Россиядаги жаҳон чемпионати чоғида ҳам шундайлигича қолиши керак. Спортда илгарилари амалга оширилган бойкотлар ҳеч қандай натижа бермаган. Биз йўриқномамизга, Олимпия хартияси ва ҳатто БМТ резолюциясига эътибор беришимиз керак, у ерда ёзилган: спортнинг мухтор фаолияти таъминланиши шарт. Балки биз дунёни ўзгартира олмасмиз, аммо биз ихтилофли ҳолатларни ҳал қилишда ёрдам беришимиз мумкин”, – дея Kun.uz ТАСС агентлигига таяниб Блаттернинг сўзларини келтиради.

Бир неча кун муқаддам Украина президенти Пётр Порошенко Россияда бўлиб ўтадиган футбол бўйича жаҳон чемпионатини бойкот қилишга чақирган эди.