УЕФАнинг Венадаги XXXIX навбатдаги Конгрессида Мишель Платини УЕФА Президенти сифатида учинчи муддатга тайинганди. У ягона номзод эди ва унга барча 54 миллий ассоциациянинг делагатлари овоз беришди, деб хабар қилади УЕФА расмий сайти.

Француз амалдори 2007 йил январида Дюссельдорфда ўтказилган Конгрессда биринчи марта УЕФА президентига айланганди. 4 йилдан кейин Парижда у қайта сайланганди.

Платини Европа миллий ассоциацияларига унга билдирилган ишонч учун миннатдорчилик билдирди.

“Раҳмат... Катта раҳмат, - деди у . – Ишончингиз ва қўллаб-қувватлаганингиз учун раҳмат. Бу мен учун сиз тасаввур қилганингиздан ҳам кўпроқ нарсани англатади.

“Биласизки, мени қайта сайланишим кейинги тўрт йилда ҳам ФИФА вице-президенти бўлиб ишлашимни англатади. Биз европаликлар барча ҳурмат қиладиган кучли ФИФАни кўришни истаймиз. Чунки ФИФА футбол ҳукмронлигида ҳар доим асосий ташкилот бўлган ва бундан кейин ҳам шундай бўлади.