“Реал”нинг собиқ ҳужумчиси Рауль жамоанинг Испания чемпионати 28-турида “Барселона”га ютқазиб қўйганидан ҳайрон бўлганини яширмади. Шунга қарамай, Рауль “қаймоқранглилар” кўрсатган футболдан қониққанини айтиб ўтди.

“Тушунарлики, мен “Реал”га боғлиқ воқеаларни кузатиб боряпман. Жамоанинг сўнгги ўйиндаги мағлубиятидан ҳайратдаман, лекин “Реал”нинг бу учрашувдаги ҳаракатларидан қониқдим”, — деб championat.com Раулнинг сўзларидан келтиради.

Эслатиб ўтамиз, Карло Анчелотти шогирдлари 1:2 ҳисобида имкониятни бой беришганди. Айни вақтда “Қироллик клуби” “Барселона”дан 4 очко кам жамғарган ҳолда 2-ўринда бормоқда.