"Ливерпуль" яримҳимоячиси Жо Аллен Уэльс термасидаги жамоадоши Гарет Бэйл ҳақида илиқ сўзлар билдирди.
Эслатиб ўтамиз, Бэйл "класико"даги мағлуибятдан сўнг "Реал" ишқибозлари томонидан танқидларга учраган эди.
28 март куни Уэльс термаси Евро-2016 саралаш босқичи доирасида Исроилга сафар қилади.
"Бэйл - жаҳон миқёсидаги ўйинчи ва бу истаган ўйиннинг исталган дақиқасида кўриниб туради. Исроиллик футболчиларнинг Бэйлга қарши ўйнашларидан хурсанд бўлишига ишониш қийин. Мухлисларнинг танқиди Гаретга таъсир қилмайди. Кимдир унинг иқтидорига умуман ишонмайди деб ўйламайман", - дейди Аллен.