Россиянинг «ССФ» нашри Италия А Сериясининг 2015-йилдаги тўпурарлари қаторида “Верона”нинг 37 ёшли (!) форварди Лука Тони (13 та гол) борлигидан таъсирланиб Европа футболидаги рамзий “37” клубининг айрим вакилларини санаб ўтган. Ушбу мақолани таржима қилган ҳолда эътиборингизга хавола этмоқчимиз.
Лука ТОНИ
Суратда “Винченца” сафида тўп сурган 22 ёшли Лука Тони
Айни вақт 37 ёшда
Ҳужумчи, “Верона”
2015-йилда Тони киритган 8 голи билан жорий йил Италия чемпионатидаги энг яхши тўпурар бўлиб турибди (охирги 7 учрашувда 7та тўп киритган).
“Ёшим ўтиб қолганини ҳис қилмаяпман, – дейди ЖЧ-2006 ғолиби. – Аввалги ва ҳозирги Тони орасидаги фарқ шундаки, бугун мен жароҳат олсам тикланиш учун аввалгидан кўра кўпроқ вақт сафрланаяпти”.
Италия чемпионати тарихидаги снайперлар рўйхатида Тони 142 голи билан айни вақт фаолиятини якунламаган футболчилар орасида 4- умумий қисмда эса 20-ўринни эгаллаб турибди.
Супертўпурар фаолиятини якунлаш ҳақида ўйлаётгани ҳам йўқ(“Верона” билан тузилган келишув 2016-йил ёзигача амал қилади), лекин “бутсасини михга илганидан” кейин аниқ мураббий бўлмаслигини яшириб ўтирмаяпти.
“Индзагига четдан боқиб туриб, Пиппо “Милан”ни бошқаришни бошлаганидан буён то шу кунгача у 10 йилга қариб кетганини кўраяпман. Уни мавсум бошида лавозимига тайинлашди, танқидлар эса тўхтамаяпти. Шунинг учун ҳам ҳеч қачон мураббийлик курсисини эгалламайман”, – дейди Тони.
Марк ШВАРЦЕР
“Кайзерслаутерн”нинг 22 ёшли голкипери
“Лестер”нинг 42 ёшдаги дарвозабони
42 ёшда
Дарвозабон, “Лестер”
1994/94-йилги мавсумда Шварцер айни вақт “Динамо” Москва мураббийи сифатида ишлаётган Станислав Черчесовнинг Дрезден “Динамо”сидаги ўрибосари бўлган. Австралиялик кипер – Чемпионлар Лигаси плей-офф босқичлари тарихидаги энг кекса футболчи (41 ёш-у, 206 кунлик). Йил бошида Марк эркин агент сифатида “Челси”дан “Лестер”га кўчиб ўтди (қизиғи унинг ҳам клуби билан шартномаси 2016-йилгача амал қилади) айни вақт ёшининг улуғворлигига қарамай “тулкилар”нинг асосий посбони бўлиб турибди.
Александр ШОВКОВСКИЙ
1999-йил. “Динамо” Киевнинг 24 ёшли дарвозабони
Айни вақт 40 ёшда
Дарвозабон, “Динамо” Киев
СаШо(яъни Саша Шовковский *таҳр) бутун футболчилик фаолиятини ўзи тарбия топган клубда ўтказди(ўтган йили киевликлар сафида 583-ўйинини ўтказганидан кейин “Динамо”нинг ушбу кўрсаткичи билан кўп учрашув ўтказган ўйинчилари орасида якка пешқадамга айланди). Украина чемпионатининг 12 карра ғолиби “оқ-кўклар” билан тузган шартнома шу йилги мавсум якунлангач поёнига етади. Клуб президенти Игорь Суркис Киевдаги фаолиятини давом эттириш ёки якунлаш борасидаги қарорни Александрнинг ўзи чиқаришини маълум қилган:
“Шовковский билан келишувимиз жентльмен руҳиятида тузилган. Ҳаммаси унинг ўзига боғлиқ. Агар Саша бундан буёғига ҳам “Динамо”да ўйнашни истаса, буни бизга маълум қилади”.
Дарвозабоннинг ўзи эса бу борада шундай гапирмоқда: “Имкониятларим аввалгидек эмаслигини ва кейинчалик ҳам бундай бўлмаслигини яхши тушунаман. Мушаклар ҳам барчасига дош бериши қийин. Клубнинг омадсизлари сабабчиси бўлишни ҳам истамайман. Яна кўрамиз…”.
Франческо ТОТТИ
38 ёшда
Ҳужумчи, “Рома”
2000-йил. “Рома”нинг 23 ёшли сардори.
Бу йилги мавсум “бўрилар” етакчиси бир йўла икки рекордни янгилади. 2014-йил ноябрида Европа чемпионлар лигаси тарихида гол киритган энг кекса футболчи (38 ёшу, 59 кунлик), 2015-йил январида эса – Рим шаҳри дербисининг энг яхши тўпурари (11 та гол) бўлди.
“Ҳа, мен 38 ёшдаман, лекин мен буни ҳис қилмаяпман”, – дейди А Сериянинг кетма-кет 21 мавсумидан бери тинимсиз гол уриб келаётган Тотти.
Антонио ДИ НАТАЛЕ
37 ёшда
2002-йил. “Эмполи”нинг 24 ёшли ҳужумчиси
Ҳужумчи, “Удинезе”
Февралда Тото мавсум охирида Удине шаҳрини тарк этиши ва АҚШга (“Нью-Йорк Сити” клуби аъзоси бўлишининг эҳтимоли катта) йўл олишни режалаштираётганини айтиб ўтган. Қизиғи Ди Натале футболчилик фаолиятини якунлагач яна “Удинезе”га қайтиши ва клуб раҳбариятидаги лавозимлардан бирини эгаллашини яширмади.
Ди Наталенинг мавсум охиригача бўлган асосий нишони Роберто Баджо А Серияда киритган 205 голдан ўзиб кетиш ва мусобақа тарихидаги тўпурарлар рўйхатида 5-ўринга кўтарилиш. Айни вақт Ди Натале ҳисобида 203 гол мавжуд.
Дидье ДРОГБА
2003-йил. “Марсел”нинг 25 ёшли ҳужумчиси
37 ёшда
Ҳужумчи, «Челси»
Ўтган йил июлида “Челси” етакчиси икки йиллик саёҳатдан(аввалига Хитой, кейинчалик Туркия чемпионатларида ўйнади) сўнг яна Лондонга қайтди ва бир йиллик шартномага имзо чекди.
Мавсумнинг 7 ойида 6 гол киритди, бироқ ҳозирча охирги бўлиб турган голини декабрь ойида киритганди.
Агар ёзда еврокубоклардаги голлар сони бўйича “кўклар” етакчиси (36 та гол) футболчилик фаолиятини якунласа, у клуб тизимидаги лавозимлардан бирини эгаллайди. Катта эҳтимол билан Моуриньо мураббийлар штабида ёрдамчилардан бирига() айланиши мумкин.
Жанлуижи БУФФОН
1998-йил. “Парма”нинг 20 ёшли дарвозабони.
37 ёшда
Дарвозабон, “Ювентус”
Италия терма жамоаси ҳамда “Кекса синьора”нинг афсонавий голкипери “қўлқопларини ҳали бери “михга илиб қўмоқчи” эмас – Буффон Россия яшил майдонларида ўтадиган ЖЧ-2018да иштирок этиш нияти борлигини яшириб ўтирмади.
“Олдинда яна уч йил вақтим бор. Агар кейинги Жаҳон чемпионатида иштирок этсам, бир йла 6 та мундиалда ўйнаган энг биринчи футболчига айланаман. Бу жуда ғаройиб натижа бўлади!” – дейди Жижи.
Акбар Сиддиқов таржимаси
