«Реал» ўзининг расмий сайтида жамоанинг пайшанба кунги машғулотлари ҳақида маълумот эълон қилди. «Бенфика»га қарши ўйинни асосий таркибда бошлаган футболчилар индивидуал дастур асосида шуғулланишди. Жамоанинг қолган қисми эса тўпга эгалик қилиш бўйича интенсив машқларни бажарди. Шундан сўнг, футболчилар тўп билан тезкор ҳаракатланиш машқлари устида ишлашди. Машғулот бир нечта кичик ўйинлар (мини-матчлар) билан якунланди.
«Беллингем, Милитао ва Родриго тикланиш жараёнини давом эттиришмоқда», — дейилади «Реал» хабарида.
Мадридликлар навбатдаги ўйинини 21 февраль куни сафарда «Осасуна»га қарши ўтказишади.
