ҲозирдаТуриннинг "Ювентус" клубида тўп сураётган, собиқ "Реал" аъзоси Алваро Мората, машҳур Onda Sero радиостанциясининг, Al Primer Toque кўрсатувига интервью берди. У ўз интервьюсида асосан "Реал"да ўтган дамлари ҳақида гапирди.

Клуб алмаштириш ҳақида

"Ҳозирда, мен ўзим учун энг яхши жойда тўп сурмоқдаман, менга кўплаб имкониятлар берилмоқда. Мен голларимда бири орқали терма жамоадан чақирув қоғози олдим, лекин нега "Реал"да асосий таркибга кира олмаганим - мени ақлдан оздиради."

Анчелотти ҳақида

"Мен нега энг яхши ўйинларимни кўрсатган пайтларимда ҳам, заҳира ўриндиғида, ҳаттоки трибунада ўтирганимни ҳамон тушунмайман.Мен бу учун эътироз билдирмаганман, лекин бошқача муносабатни кутгандим. Анчелотти эса мен билан деярли гаплашмасди. Аллегри эса ҳар доим очиқ алоқада."

"Мадрид"га қайтиш ҳақида

"Бу ҳақида гапириш, менинг ҳозирги мураббийларим ва жамоадошларимга қилган хурматсизлигим бўлади. Мен бу ерда ўзимни яхши ҳис қилмоқдаман, ҳаммасидан хурсандман. "Мадрид" ёки бошқа клубга ўтиш ҳақида ўйламаяпман."

Хесе ҳақида

"Бензема, Бейл, Роналду учлигидан ўтиб, асосий таркибга кириш жуда мушкул вазифа. Ўйлайманки, Хесе "Реал"нинг ажралмас бўлагига айлана олади, лекин доимо "Мадрид" ўз хужумчиларидан кўра, хорижий хужумчиларни сотиб олиб, улрга кўпроқ имкон беришга ҳаракат қилади."