Бразилия терма жамоаси устози Дунга ўртоқлик ўйини доирасида Франция устидан қозонилган иродали ғалаба (3:1) ҳақида фикр билдирар экан, сўнгги ЖЧга нисбатан жамоа ўйинида ўсиш кўзга ташланганини қайд этди.

"Бу каби ғалабалар - зўр бериб бажарилган кундалик машғулотлар самарасидир. Шундай кайфиятда олға қадам ташлашни давом эттириш керак.

ЖЧдаги муваффақиятсизликдан кейин мен футболчиларда ўзига бўлган ишончни уйғотиш ва тўғри йўлни белгилаб олишга ҳаракат қилдим.

Биз бугун майдонда жуда яхши тезлик намойиш қилдик, тўпга ажойиб тарзда эгалик қилдик. Алоҳида олинган хатоларга қарамай, жамоа айниқса стандарт вазиятларда жуда хафли эканини исботлаб бера олди.

Чили билан ўйинда бошқа ўйинчиларга ҳам имконият берилади. Аммо бутун бошли таркибни ўзгартирмоқчи эмасман", - дея soccer.ru Goal.com интернет порталига таяниб Дунга фикрларини келтиради.