Бразилия терма жамоаси ҳужумчиси Неймар ўртоқлик ўйинида Франция устидан қозонилган ғалабадан (3:1) сўнг, унинг жамоаси ЖЧ-2014даги омадсизликни унута олганини таъкидлади.
"Мен ғалабадан хурсандман. Биз майдонга айнан ғалаба қозониш учун тушгандик.
Бугун ажойиб ўйин ўтказдик. Франция бизга анча қийинчилик туғдиришини яхши билардик. Аммо шундай муҳташам стадионда ажойиб ўйин намойиш қилиш - бу уддалаш қийин бўлган вазифа. Гап ўйиннинг қаерда ўтишида эмас.
1998 йилги учрашувдан кейин анча вақт ўтди, таркиблар ҳам батамом ўзгарди. Сўнгги ЖЧдаги муваффақиятсизлик биз учун жуда катта муаммо бўлганди. Аммо биз ушбу мушкул дамларни сабр билан енгиб ўтишни уддаладик", - дея soccer.ru Goal.com интернет порталига таяниб Неймар фикрларини келтиради.
