Kun.uz: Лондоннинг “Тоттенхэм” жамоасининг 2014 йилдаги молиявий ҳисоботи эълон қилинди. Унга кўра, “шпорлар” ўтган йилда 245 млн евро даромадга эга бўлган. Шундан 89 млн евролик қисми соф даромад ҳисобланади.
Жамоа расмий сайтида 2013 йилнинг 30 июнъ кунидан 2014 йилнинг 30 июнъ кунига бўлган вақт ичида амалга оширган молиявий фаолияти бўйича ҳисобот эълон қилинди.
Жамоа матбуот хизмати маълумотига кўра, жамоанинг охирги молия йилидаги даромади 22 фоизлик ўсишга эришган. Солиқлар тўлаб бўлингандан кейин жамоада қолган маблағ 88,8 млн евро бўлди. Бу эса 2013 йилдагига қараганда 16,5 баравар кўпроқни ташкил этмоқда.