“Манчестер Юнайтед”нинг собиқ ўйинчиси Пол Скоулз ярим ҳимоячи Рахим Стерлингнинг “Ливерпул”дан кетиши мумкинлиги ҳақидаги гап-сўзларга ўз муносабатини билдирди.
“Менимча, Стерлингнинг “Ливерпул”да қолгани маъқул. Бу клуб унга катта футболга йўл очиб берди, мураббий унинг атрофида жамоани шакллантирди. Рахим ҳар ҳафта майдонга чиқади. Унинг ёшида яна нима керак?
Стерлинг – яхши ўйинчи, у бир-бир вазиятда алдай олади ва унинг ўйини яхши чиққанида у чиндан ҳам қойилмақом кўринади. Лекин у етарлича кўп гол урмаяпти, ҳеч бўлмаса ҳозирча.
Агар энг машҳур клублардан бирига ўтмоқчи бўлсанг, эҳтиёт бўлиш лозим. Баъзан ёшлар ишлари қанчалик яхши юришаётганини тушуниб етишавермайди, чунки ҳар бир ўйинда майдонга тушишга кўникиб қолишади”, – деб Скоулзнинг сўзларидан келтиради sports.ru.