Португалия терма жамоаси ярим ҳимоячиси Тиагу Мендеш жамоа ўйинини Криштиану Роналду атрофига қуриш керак эканини айтиб ўтди.
“Баъзи футболчиларга бу адолатсизлик бўлиб кўриниши мумкин. Аммо менинг фикримча, бу табиий ҳол. Криштиану – ўзига хос футболчи. Биз унинг имкониятларидан максимал тарзда фойдаланишимиз керак. Дунёнинг исталган нуқтасида унинг мухлислари кўплаб топилади. Терма жамоа билан бирор давлатга борсак, ҳар доим уни бир тўда мухлислар кутиб олишади. Роналдуни кўриб, кўзларига ишонишмаётганликларини айтиб ўтишади. Роналду катта натижаларга эришиб бўлди”, - дейди Мендеш.
