2015 йилнинг 1 апрель куни старт олган қиличбозлик бўйича 17 ёшгача ўсмирлар ва 21 ёшгача бўлган ёшлар ўртасида Жаҳон чемпионатининг навбатдаги ғолиблари номи маълум бўлди. 2 апрель кунги дастуридан 17 ёшгача бўлган ёш қиличбозлар ўртасида рапира (ўғил болалар) ва сабля (қизлар) йўналишларида ғолиб ва совриндорлар аниқлаб олинди.
Қизлар ўртасидаги беллашувларда россиялик Ольга Никитина бош совринни қўлга киритди. Ольга олтин медаль учун кечган баҳсда италиялик Лючия Лучаринини мағлубиятга учрата олди. Япониялик Мисаки Эмура ҳамда бошқа бир рус спорчтиси Александра Климова шоҳсупанинг учинчи поғонасидан жой олишди.
Қиличбозлик, жаҳон чемпионати. Қизлар ўртасидаги сабля
1) Ольга Никитина (Россия)
2) Лючия Лучарини (Италия)
3) Мисаки Эмура (Япония)
3) Александра Климова (Россия)
Қиличбозлик, жаҳон чемпионати. Ўғил болалар ўртасидаги рапира
1) Самуэль Моэлис (АҚШ)
2) Григорий Семенюк (Россия)
3) Жеффри Туретт (АҚШ)
3) Тамаш Месарош (Венгрия)
