Лондоннинг "Челси" жамоаси Премьер-лиганинг 31-турида ўз майдонида "Сток Сити"ни қабул қилди ва мураккаб кечган ўйинда ғалаба қозонди.

Устунлик Моуриньо шогирдлари томонида бўлди. Ўйин бошида Лоик Реми томонидан яқин масофадан йўлланган зарбани "Сток" посбони Асмир Бегович маҳорат билан қайтарди. Бўлим тугашига 6 дақиқа қолганида меҳмонлар ҳимоячиси ўз жарима майдончаси ичида Фабрегасни чалиб йиқитди. Эден Азар пенальтидан усталик билан фойдаланди.

Лондонликлар ўйиннинг боришини ўз изнларига тушириб олгандек бўлишганди, аммо кутилмаганда гол ўтказиб юборишди. Чарли Адам 60 метрдан Тибо Куртуа дарвозасини ишғол қилди. "Сток" футболчиси бельгиялик дарвозабон олдинга чиқиб кетганидан фойдалана олди.

Бутун ўйин давомида яхши ўйин кўрсатган меҳмонлар дарвозабони 62-дақиқада жарима майдончаси ташқарисида турган ўз ҳимоячисига тўпни етказиб, қўпол хатога йўл қўйди. Тўпни Виллиан эгаллаб Азарга берди. Эден бирга бир вазиятда жарима майдончасига кириб келди ва ўзи ҳам гол уриши мумкин бўлган вазиятда янада очиқ турган Ремига пас берди. Лоик бўш дарвозани муаммосиз ишғол қилди.

"Сток Сити" осонликчча таслим бўлгани йўқ. Бир вазиятда дарвозани голдан устун қутқариб қолганини таъкилаш лозим.

Ушбу ғалабадан кейин "Челси" чемпионлик сари яна бир қадам ташлади.

АПЛ, 31-тур
Челси – Сток Сити 2:1 (1:1, 1:0)
Голлар: 1:0 – 39, пенальти Азар, 1:1 – 44 Адам, 2:1 – 62 Реми.
Челси – Куртуа, Иванович, Кэйхилл, Терри, Аспиликуэта, Фабрегас, Матич, Виллиан, Оскар (Диего Коста, 46; Дрогба, 57), Азар, Реми (Куадрадо, 63).
Сток Сити – Бегович, Кэмерон, Шоукросс, Волльшайд, Уилсон, Айрленд (Крауч, 78), Нзонзи, Уэлан, Адам (Питерс, 79), Диуф (Арнаутович, 62), Уолтерс.
Огоҳлантиришлар: Уэлан (26), Шоукросс (31), Айрленд (45), Адам (66), Волльшайд (69), Крауч (90), Дрогба (90).