«Арсенал» бош мураббийи Арсен Венгер «Ливерпуль»га қарши ўйин (4:1) борасида ўз фикрларини билдириб ўтди.

«Идеал ўйин? Ҳар қандай ўйинда камчилигимиз бўлади. Лекин бу ўйинни жуда фаол бошладик. Биринчи бўлимда имкониятларимиздан фойдалана олдик. Иккинчи бўлимда эса рақибнинг ўйинга қайтишига имкон бермадик. Биз муҳим ўйинда ишончли ғалабага эришдик.

Чемпионлик кураши учун бу етарли эмас. Биз мавсумни кучли тўртликда якунлаймиз, аммо чемпионлик курашига қўшилишимиз учун биз мукаммал ҳаракат қилишимиз, "Челси" эса хатога йўл қўйиши лозим. Келинг, ҳозирча барча эътиборни ўз ўйинларимизга қаратамиз», – дейди Венгер.